तेस्रो पर्वत महोत्सव शुरु

धौलागिरी अचलको पर्यटन लघु उद्यम र व्यापारलाई प्रवद्र्धन गर्ने उद्देश्यले आयोजित तेस्रो पर्वत महोत्सव  शुरु हुँदैछ । महोत्सवको आवश्यक सवैजसो तयारीहरु पुरा भैसकेको छ । महोत्सवको योजना आयोगका उपाध्यक्ष डाक्टर जगदीश चन्द्र पोख्रेलले उद्घाटन गर्ने कार्यक्रम रहकेा छ । महोत्सब मुल आयोजकले आइतवार एक पत्रकार सम्मेलनको आयोजना गरी सवैजसो तयारी पुरा भएको जानाकारी दिएको हो ।

ुसमग्र पर्वत जिल्लाको प्रवद्र्धन हाम्रो पहिचानु भन्ने मुल नाराका साथ संचालन हुने महोत्सवमा कुल १ सय ५० वटा स्टल रहने महोत्सवमा २ करोड बराबरको आर्थिक कारोबार गर्ने लक्ष्य रहेको छ । सोमवारदेखि २२ गतेसम्म हुने महोत्सवको एक लाख दर्शक तथा पर्यटकलाई भित्र्याउने लक्ष्य रहेको छ । महोत्सवलाई नेपाल बैंक लिमिटेड र जिल्ला विकास समिति पर्वत राष्ट्रिय बाणिज्य बैंक लगायतका संघ संस्थाहरुले प्रायोजन गरेका छन् ।

महोत्सवका मुल संयोजक होमनारायण श्रेष्ठका अनुसार स्थानीय उत्पादन लघु उद्यम र व्यापारमेला होटल तथा अटो मोवायल लगायतका व्यावसायीले स्टल बुक गराएका हुन् । धौलागिरी अाचलका गाउँ गाउँमा उत्पादन भएका सामग्रीहरु स्थानीय अल्लोका कपडा लोक्ताको नेपाली कागज हस्ताकलाका सामाग्रीहरु सुन्तलाको जुस मह जडिबुटी लगायतको प्रवद्र्धनलाई मुख्य जोड दिइने भएको छ । त्यस्तै लप्सीफुड अदुवा क्याण्डी लालीगुँरासको जुस काफलको जुस मौरीघार विभिन्न कृषि बाली र गाउँ गाउँमा उत्पादीत जिल्लाको पहिचान दिलाउने खालका वस्तुलाई आवश्यक स्टलको व्यवस्था विकि्र तथा प्रचार गरिने आयोजकले जनाएको छ