बागलुङ मा जीप दुर्घटना ५ जना यात्रुको घट्नास्थलमा नै मृत्यु

आईतबार राति बागलुङ पाण्डवखानी गाविसबाट हटिया आउदै गरेको ना १ ज १२८६ नंको जीप राति ९ ३० बजेको समयमा मल्म गाविसको वडां नं ९ को चितथानबाट करिब २०० मिटर तल खोलामा खसेर दुर्घटना हुंदा ५ जना यात्रुको घट्नास्थलमा नै मृत्यु भएको छ भने अन्य ५ जना घाईतको अवस्था गंभीर रहेको छ ।
गल्कोट हटिया स्थित गल्कोट उमाबिको बार्षिकोत्सवमा आयोजना गरिएको बास्केटबल प्रतियोगितामा भाग लिन पाण्डवखानीबाट आउदै गरेका खेलाडीहरु सो दुर्घटनामा परेका हुन् ।
मृत्यु हुनेहरुमा पाण्डवखानी ६ का वर्ष ४४ का हर्क बहादुर पुन २५ वर्षीय श्याम काउचा मगर, २३ वर्षीय दिनेश श्रीष, २० वर्षीय विक्रम श्रीष र १८ वर्षीय दिपक पुन रहेको बताईएको छ ।

घाईते हुनेमा पाण्डवखानी गाविसकै ४० वर्षीय बलबहादुर श्रीष, २७ वर्षीय कुमार थापा, २४ वर्षीय प्रकाश श्रीष, १८ वर्षीय गंगा श्रीष र चालक २६ वर्षीय चित्रबहादुर मगर रहेका प्रहरीले जानकारी दिएको छ । घाईतेहरुको अवस्था गम्भीर भएको र उनीहरुलाई उपचारका लागि धौलागिरी अञ्चल अस्पताल बागलुङ पठाइएको प्रहरी निरीक्षक होविन्द्र बोगटीले जानकारी दिनुभएको छ । ईलाका प्रहरी कार्याल हरिचौरका प्रहरी निरीक्षक सुरज खड्का नेतृत्वको प्रहरीटोली र स्थानियबासीको सक्रियतामा हिजो राती नै उद्धार गरीएको थियो ।