जनविद्रोहको अन्तिम तयारीमा लाग्न मजदुर कार्यकर्तालाई निर्देशन

माओवादीको जनविद्रोह र सत्ता कब्जाको नाराले अन्यदलहरु सशंकित भईरहेको बेला फेरि एकीकृत नेकपा माओवादीका अध्यक्ष पुष्पकमल दाहाल प्रचण्डले सम्पूर्ण शक्ति र सामाथ्र्यका साथ जनविद्रोहको अन्तिम तयारीमा लाग्न मजदुर कार्यकर्तालाई निर्देशन दिएका छन् ।
अखिल नेपाल ट्रेड युनियन महासंघ स्वयम सेवक विभाग अन्तर्गत मजदुर स्वयंम सेवक दलको राष्ट्रिय भेलालाई ललितपुरमा सम्बोधन गर्दै अध्यक्ष प्रचण्डले जनवादी क्रान्ति सफल पार्न सम्पूर्ण जिम्मेवारी र शक्तिका साथ जनबिद्रोहको तयारी गर्न निर्देशन दिनुभएको हो । उहाँले शान्ति संविधान र परिवर्तनको प्रवाहलाई रोक्न खोजे सबै होटल कलकारखाना ब्यारेकमा परिणत हुने र विद्रोहको नेतृत्व माओवादीले गर्ने बताउनुभयो । उहाँले मजदुरको हातमा सत्ता नआएसम्म पार्टी र शहीद लक्ष्य पूरा हुन नसक्ने बताउनुभयो ।
पार्टी भित्र अराजकतावादी व्यक्तिवादी दक्षिणपन्थी संकीर्णतावादी अवसरवादी जडसुत्रवादी जस्ता कम्जोरी देखिएको भन्दै त्यस्तो विचलनलाई रोक्न पार्टी लागिरहेको प्रचण्डको भनाई छ ।