म्याग्दीको मुना गाविसमा स्थानीयबासीले जुवातास खेल्न प्रतिबन्ध लगाए

म्याग्दी माघ २४ । म्याग्दीको मुना गाविसमा स्थानीयबासीले जुवातास खेल्न प्रतिबन्ध लगाएका छन् । गाउँका ससाना बालकदेखि युवा र प्रौद्धहरु जुवातासमा भुल्न थालेपछि प्रतिबन्ध लगाईएको हो । मुनाको ७ ८ र ९ वडामा गठन भएको प्रगतिशील आमा समूह प्रगतिशील युवा समूह तथा प्रगतिशील विद्यार्थी समूहले जुवातास खेल्न बन्द गरेका हुन् । उनीहरुले जुवातास खेलाउने र खेल्नेलाई क्रमशः ५ सय र १ हजार रुपैया जरिवाना तोकिएको त्यहाँबाट बमबहादुर पाइजाले जानकारी दिनुभयो ।

जुवा खेल्नेलाई तसा्रउन गाउँमा जुवाडे खम्बा पनि स्थापना गरिएको छ । पटक पटक नियम उल्लङघन गर्नेलाई खम्बामा बाँधीने स्थानीयबासीले बताएका छन् । पुरुषहरु बिहान देखि बेलुकी सम्म दिनहुँजसो जुवातासमा भुलेर समय बर्बाद गर्न थालेपछि सचेत गाउँलले यस्तो नियम बनाएका पाईजाले बताउनुभयो