विद्यार्थीहरुको एक समूहले टाउकोमा रड प्रहार गरी हत्या

 वीरगन्जको नेशनल एकेडेमी र सिद्धार्थ इन्टरनेशनल कलेजका विद्यार्थीबीच भएको झडपमा एक जनाको मृत्यु भएको छ । नेशनल एकेडेमीको कक्षा १२ मा अध्यनरत रौतहटको ब्रहृमपुरीका प्रवीणकुमार सिंहको हत्या भएको हो । वीरगन्ज-१८ मा बस्दै आएका सिंहलाई सिद्धार्थ एकेडेमीमा अध्ययनरत विद्यार्थीहरुको एक समूहले टाउकोमा रड प्रहार गरी हत्या गरेको जिल्ला प्रहरी कार्यालय पर्साले जानकारी दिएको छ । घटनामा संलग्न रहेको आरोपमा बिक्कीकुमार गुप्तालाई प्रहरीले नियन्त्रणमा लिएको छ । घटनाको विषयमा अनुसन्धान जारी रहेको प्रहरी उपरीक्षक राजेन्द्रमान श्रेष्ठले जानकारी दिनुभयो ।

प्रत्यक्षदर्शीका अनुसार कजेल हिडेका सिंह र उनका एक सहपाठीलाई पानीट्यांकी चोकमा बिक्की सहितको समुहले रोकेर विवाद गरेको थियो । विवादकै क्रममा उनीहरुले सिंहको टाउकोमा रड प्रहार गरेका हुन् ।