काँग्रेसको भातृ संगठन नेपाल तरुणदल नेदरल्याण्ड गठन

नेपाली काँग्रेसको भातृ संगठन  नेपाल तरुणदल नेदरल्याण्ड, आम्स्ट्राडामा मिति ०२ फेब्रअरीमा नेपाल तरुणदलका युरोपियन संयोजक श्री शैलेस कुमार मल्लको उपस्थितीमा नेपाल तरुणदल तदर्थ समिति नेदरल्याण्ड गठन भएको छ । तरुणदले विदेशमा रहेका तरुणदलहरुलाइ पनि महाधिवेशनमा प्रतिनिधीको रुपमा सहभागी गराउने व्यवस्था गरेको छ ।  आम्स्ट्राडामको मदर इन्डिया रेष्टुरेन्टमा भएको उक्त कार्यक्रमा श्री विष्णु बास्तोलाको संयोजकत्वमा ११ सदस्यीय तदर्थ समिति गठन गरिएको जसमा श्री हिमाल गुरुङ्ग, श्री इस श्रेष्ठ, श्री सागर गुरुङ्ग, श्री नरेश गुरुङ्ग, श्री नवरत्न संगौला, रुदिप खनाल, श्री सुजन बेलबासे, श्री प्रेम गुरुङ्ग, श्री देविन मल्ल, श्री रमेश सिवाकोटी रहनु भएको छ । 

नेपाली जनसंपर्क समिति नेदरल्याण्डको दोस्रो अधिवेसन समापन पश्चात भएको उक्त कार्यक्रममा जनसंर्पक समन्वय समिति युरोपका अध्यक्ष दिल गुरुङ्ग, महासचिव श्री गंगाधर गौतम, कोषाध्यक्षहरु सुदाम लम्साल र दामोदर शर्मा, नेपाली जनसंपर्क समिति डेनमार्कका अध्यक्ष श्री त्रिलोचन सापकोटा लगायत विभिन्न देशका प्रतिनिधीहरु उपस्थित रहेका थिए । साथै नेदरल्याडका एन आर इन हरि शर्मा, एन डि ए शशि पौडेल, समाजसेवी शारदा बराइली जनसंपर्क नि.अध्यक्ष नारायण आर्चाय नि.  कार्यसमिति र वर्तमान कार्यसमितिका अध्यक्ष ठाकुर प्रसाद शर्मा लगायत सम्पुर्ण कार्यसमिति तथा प्राय सवै नेपाली संगठनहरुको उपस्थिती रहेको थियो । 

तरुणदका संयोजक श्री विष्णु वास्तोलाले नेपाली काँग्रेसकोप्रति आस्थावान मित्रहरुलाइ गोलबद्ध बनाउदै नेदरल्याण्मा रहेको जनसंपर्क समिति संग समन्वय गरि अगाडि बढ्ने र विभिन्न कार्यक्रमहरु संचालन गर्ने बताउनु भयो । युरोपयिन संयोजक श्री शैलेश मल्लले युरोपमा तरुण जनशक्ति धेरै रहेकोले काँग्रेसप्रतिको आस्थामा ह्रास आउन नहुने बताउँदै युरोपका अन्य देशहरुमा समेत क्रमिकरुपमा तरुणदल गठन गर्दै जाने बताउनु भएको छ ।