म्याग्दी साहित्य समाजद्वारा पुरस्कृत

म्याग्दी जिल्लाका साहित्यकारहरुको छाता संगठनको रुपमा रहेको म्याग्दी साहित्य समाजले जिल्लाका तीन जना सर्जकहरुलाई स्थापना दिवसको अवसरमा पुरस्कृत गरेको छ ।
बेनीमा भएको चौधौं स्थापना दिवसको अवसरमा बन्याझा उत्कृष्ट नारी हस्ताक्षर तर्फ समान असमान कविता संग्रहकी रचयिता कविता शर्मालाई पुरस्कृत गरेको छ । त्यस्तै होमनाथ सुवेदी उत्कृष्ट कृति पुरस्कारबाट मालचरी उपन्यासका लेखक पुस्कर विक र मेरो प्रतिविम्ब आत्मबृतान्तका लेखक डण्डपाणी आचार्यलाइ पुरस्कृत गरिएको छ ।
कार्यक्रममा जिल्ला शिक्षा अधिकारी दिलनाथ पुरी ध्रुवलाल शर्मा दामोदर रिजाल राजकुमार थापा लगायतले मन्तव्य राख्नुभएको थियो ।
उक्त कार्यक्रममा डेढ दर्जन सर्जकहरुले आफ्नो रचना बाचन गरेका थिए ।