बुटवलमा गुडिरहेको माइक्रोबसमा बम विष्फोट हुँदा कम्तिमा १८ जना घाइते

 बुटवलमा आइतबार साँझ गुडिरहेको माइक्रोबसमा बम विष्फोट हुँदा कम्तिमा १८ जना घाइते भएका छन् ।

भैरहवाबाट बुटवल आउँदै गरेको लु १ ख ३६६५ नम्वरको माइक्रोबस मिलनचौकमा यात्रुहरु चढाउन / उतार्न रोकिएकाबेला बम विष्फोट भएको हो । विष्फोटमा घाइते मध्ये पाँच जनाको अवस्था चिन्ताजनक भएको उद्दारकार्यमा खटिएका प्रहरी उपरीक्षक दानबहादुर घर्तिले जानकारी दिए ।

घाइतेहरुको लुम्बिनी अञ्चल अस्पतालमा उपचार भइरहेको छ । बसमा ४६ भन्दा बढी यात्रु चढेका थिए ।

दिन दिनयता तराईमा लगातार यात्रुबाहक बसमा विष्फोटको भएका छन् । शुक्रबार रौतहटमा र शनिबार नेपालगञ्जनमा गुडिरहेको यात्रुबाहक बसमा विष्फोट गराइएको थियो ।