उद्योग वाणिज्य महासंघ केन्द्रिय सदस्यमा पर्वतका होम नारायण श्रेष्ठ निर्विरोध उम्मेदवार

नेपाल उद्योग वाणिज्य महासंघको ४५ औं साधारण सभा नजिकिदै गर्दा धौलागिरी अंचल सदस्यको लागि पर्वत उद्योग वाणिज्य संघका जिल्ला अध्यक्ष होम नारायण श्रेष्ठ निर्विरोध उम्मेदवार बनेका छन् ।
अाचलबाट एक एक जना केन्द्रीय सदस्य हुने प्रावधान अनुसार धौलागिरी अाचलको लागि यस पटक पर्वत उद्योग वाणिज्य संघलाई बागलुङ म्याग्दी र मुस्ताङको समर्पण रहेको कारणले श्रेष्ठ एक मात्र उम्मेदवार बनेको हो । चैत्र २९ गते हुने अधिवेशनमा मनोनयन दर्ता गरे मात्र पुग्ने धौलागिरी अाचल सदस्य उम्मेदवार श्रेष्ठले बताउनु भयो ।
उद्योग वाणिज्य महासंघको धौलागिरी अाचलबाट प्रतिनिधित्व गर्ने केन्द्रीय सदस्य बागलुङ पर्वत र म्याग्दीले एक एक पटक पालै पालो प्रतिनिधित्व गर्ने गरेको कारण यस पटक पर्वतले प्रतिनिधित्व गर्नेछ । पर्वत उद्योग वाणिज्य संघले उद्योग वाणिज्य महासंघको केन्द्रीय अध्यक्षका उम्मेदवार मध्य बागलुङ निवासी पोखराका उद्यमी आजाद श्रेष्ठलाई समर्पण गर्ने निर्णय गरेको छ ।
धौलागिरी अाचलको बागलुङ मुस्ताङ म्याग्दी र पर्वत ४ जिल्ला यस पटकको निर्वाचनमा युवा उद्यमी आजाद श्रेष्ठको पक्षमा खुलेर लागेका छन् ।