नाग्लीबाङ मा बिद्यालय व्यवस्थापन समिति र शिक्षक अभिभावक सघंको गठन

जनकल्याण मावि नाग्लीबाङ पर्वतको आज बिद्यालयमा सम्पन्न अभिभावक भेलाले बिद्यालय व्यवस्थापन समिति र शिक्षक अभिभावक सघंको गठन गरेको छ । भेलाले सोम बहादुर जिसीको अध्यक्षतामा बिद्यालय व्यवस्थापन समिति र केशर बहादुर रोकाको अध्यक्षतामा शिक्षक अभिभावक सघंको गठन गरेको छ ।

समितिका सदस्यमा अनिता रेग्मी टिका बहादुर जिसी इन्द्र बहादुर खड्का र अन्य सदस्य पछि थप गरिनेछ भने सघंका सदस्यमा बिजुली जिसी लिलाराम शर्मा रुद्र बहादुर श्रेष्ठ भिम बहादुर रेग्मी होम बहादुर बिक लक्ष्मी प्रसाद रेग्मी परमानन्द रेग्मी रहनुभएको छ ।

भेलाको उद्घाटनका अवसरमा शिक्षक अभिभावक सघंका निवर्तमान अध्यक्ष धन बहादुर खत्री शालिग्राम प्राविका प्रधानाध्यापक तेजेन्द्र आर्चाय लगायतले मन्तव्य ब्यक्त गर्नुभएको थियो ।

कार्यक्रम बिद्यालय व्यवस्थापन समितिका निवर्तमान अध्यक्ष बाबुराम केसीको अध्यक्षता र प्रधानाध्यापक नारायणदत्त रेग्मीको साचालनमा सम्पन्न भएको थियो ।