बलत्कार भएर पीडित भएकी एक बालिकालाई परीक्षाको मुखमा बिद्यालयबाट निस्कासन

 बलत्कार भएर पीडित भएकी एक बालिकालाई न्याय दिनुको सट्टा उल्टै कैलालीको दुर्गा उच्च मा.वि.को व्यवस्थापन समितिले परीक्षाको मुखमा बिद्यालयबाट निस्कासन गरेको छ। बलत्कारको पीडाले बिक्षिप्त बनेकी बालिका परीक्षाको मुखमा बिद्यालयबाट निस्कासित भएपछि थप पीडित छिन्।उनले परीक्षा दिने व्यवस्था गरिदिन अनुरोध गरेकी छिन्। १३ बर्षको कलिलो उमेरमै बलत्कार पीडित वालिकाको बच्चा पनि जन्मेको छ।
घरमा आइरहने मित बुबा पर्ने ४५ बर्षीय गाउँकै अमर वोगटीले मालाखेती ८ कि १३ बर्षिय वालिकालाई मध्यरातमा मुख च्यापेर बलत्कार गरेको पीडितले बताएकी छिन्। वोगटिले बलत्कार गरेपछि कसैलाई भने ज्यान मार्ने धम्की दिएकाले कसैलाई भन्न नसकेको पीडित बालिकाले बताइन्। महिनाबारी भएको लगत्तै बलत्कारमा परेकी वालिकाले पेटमा बच्चा भएको पनि ७ महिना पछि मात्र थाहा पाएको बताइन्।
बलात्कारबाट १४ बर्षको उमेरमा बच्चा जन्मेपछि उनी माथि भएको बलात्कारको रहस्य खुलेको थियो।
 बलत्कारमा परेर बालिका उमेरमै शिशु जन्माएकी कक्षा ९ मा पढ्ने ती बालिकालाई न्याय दिनुको सट्टा उल्टै बिद्यालयले परीक्षाको मुखमा निष्कासन गरेर आलो घाउमा नुन छर्कने काम गरेको छ। नवजात शिशु सहित बालिकाको बिचल्ली भएको छ।(-रासस)