भट्टराईको राजकीय सम्मानका साथ पशुपति आर्यघाटमा अन्तेष्टी

पूर्वप्रधानमन्त्री कृष्णप्रसाद भट्टराईको राजकीय सम्मानका साथ पशुपति आर्यघाटमा अन्तेष्टी गरिएको छ। भट्टराईको पार्थिव शरीरमा भतिजा प्रमोद भट्टराईले दागवत्ती दिएका थिए। भट्टराईको सम्मानमा नेपाली सेनाको टुकडीले तेह्र तोपको सलामी अर्पण गरेको थियो।
प्रधानमन्त्री, कांग्रेस नेता लगायत विभिन्न राजनीतिक दलका नेता, कार्यकर्ता, उच्चपदस्थ अधिकारी तथा सर्वसाधारणहरु पशुपति आर्यघाट पुगी स्वर्गीय भट्टराईलाई अन्तिम श्रद्धाञ्जली अर्पण गरेका थिए।