तानसेन–तम्घास सडकमा एक घण्टा चक्काजाम

पेट्रोलियम पदार्थको मुल्य वृद्धिको विरोध तथा मुल्य घटाउनुपर्ने माग गर्दै जिल्लाका चार विद्यार्थी संगठनले तानसेन–तम्घास सडकमा एक घण्टा चक्काजाम गरेर विरोध प्रदर्शन गरेका छन् ।  त्रिभुवन बहुमुखी क्याम्पसका विद्यार्थीले क्याम्पसमार्गमा नाराबाजी गर्दै मुल्य वृद्धी फिर्ता लिन माग गरे । यस सडक भएर गुड्ने सवारी साधन रोकेर बिरोध जनाएका थिए  । नेपाल विद्यार्थी संघ, अनेरास्ववियु, अनेरास्ववियु क्रान्तिकारी र अनेरास्ववियु छैठौंले संयुक्त रुपमा विरोध प्रदर्शन गरेका हुन् । बिहान ८ बजेदेखि ९ बजेसम्म एकघण्टा चक्काजाम तथा विरोध प्रदर्शन गरेका थिए ।
विद्यार्थीहरुले मूल्यबृद्धि फिर्ता नभए सशक्त आन्दोलन गर्ने बताए । चक्काजामका कारण गुल्मी र अर्घाखाँचीबाट बुटवल र पोखरा हिंडेका बस र जीपका यात्रु रोकिएका थिए ।