बस आपसमा ठोक्किँदा दुई जनाको घटनास्थलमै मृत्यु

मुग्लिनबाट पोखरातर्फ जाँदै गरेको बस र पोखराबाट नारायणगढतर्फ आउँदै गरेको बस आँवूखैरेनी-६ नारीघाट नजिकै आपसमा ठोक्किँदा दुई जनाको घटनास्थलमै मृत्यु भएको छ । सोमबार मुग्लिनबाट पोखरातर्फ जाँदै गरेको ना ३ ख ३२०३ नम्बरको बस र पोखराबाट नारायणगढतर्फ आउँदै गरेको ना ३ ख ८३२५ नम्बरको बस ठोक्किँदा चालक सहित दुई जनाको मृत्यु भएको हो।
मृत्यु हुनेमा ना ३ ख ३२०३ नम्बरको बसका चालक पोखरा घर भएका विक्रम श्रेष्ठ र सोही वसमा यात्रा गरेकी अन्दाजी २५ वर्षीया एक महिला रहेको प्रहरीले जनाएको छ। दुर्घटनामा तीन जना गम्भीर घाईते भएका छन्। घाईतेलाई उपचारका लागि भरतपुर अस्पताल भरतपुर पठाइएको र अन्य सामान्य घाईते यात्रुहरुलाई आँवुखैरेनी स्थित क्लिनिकहरुमा उपचार भइरहेको प्रहरीले जनाएको छ ।