क्षमता अधिवृद्धि सम्बन्धी २ दिने तालिम सम्पन्न

पर्वत जिल्लाका विभिन्न गाविसमा सरोकारवालाहरुको क्षमता अधिवृद्धि सम्बन्धी २ दिने तालिम सम्पन्न भएको छ । जिल्ला विकास समिति पर्वतको आयोजना स्थानीय शासन सामुदायिक विकास कार्यक्रम अन्तरगत गाउँ विकास योजना तथा छनौट निर्माण कार्यान्वयनका सम्बन्धमा गाविसका सरोकारवालाहरुका लागि क्षमता अभिवृद्धि तालिम सम्पन्न भएको हो ।

पर्वत जिल्लाको ठुलीपोखरी खौला लाँकुरी भंगरा र थापाठाना गाविसमा सम्पन्न तालिमको स्थानीय शासन सामुदायिक विकास कार्यक्रमका सहजकर्ता हिरालाल रेग्मी र योगेन्द्र रिजालले सहजीकरण गर्नु भएको थियो ।
तालिममा गाउँ विकास योजना तथा बजेट तर्जुमासंग सम्बन्धित विविध विषय वस्तुमा सहजीकरण गरिएको र तालिम जिल्लाका सबै गाविसमा साचालन गरिने प्रशिक्षक हिरालाल रेग्मीले जानकारी दिनुभयो ।

बाट: धौलाश्री