म्याग्दी जिल्ला अस्पतालको सहयोगार्थ सिओलमा आयोजित म्याग्देली सांस्कृतिक सौगात

२ फ़ेब्रुअरी, २०११ । कोरियाको महान चाड सलनालको अबसरमा आज फेब्रुवरी २ का दिन म्याग्दी समाजले म्याग्दी जिल्ला अस्पतालको सहयोगार्थ सिओलमा आयोजित म्याग्देली सांस्कृतिक सौगातका लागि विश्वप्रसिद्द गिनिज बूक अफ वर्ल्ड रिकर्डसमा संसारकै होचा मानिसकोरुपमा आफ्नो नाम लेखाउन सफल खगेन्द्र थापा मगरसहित हास्य कलाकार दिपा श्री निरौला, नायिका गरिमा पन्त, आधुनिक तथा पप गायक शिब परियार र अन्जना गुरुङ, लोक दोहोरी गायिका कृष्ण परियार कोरिया आईपुग्नु भएको छ ।

हंगकंग हुदै उहाहरु कोरिया आउनुभएको हो । उहांहरुलाई स्वागत गर्न म्याग्दी समाजका अध्यक्ष नरबहादुर पुन, उपाध्यक्ष नारायण बरुवाल, बिनोद कुँवर, लक्ष्मण बोगटी, रबिन छन्तेल, ओम काउछा, नरेन्द्र पुर्जा, भक्त शेरचन, लगायत एअरपोर्ट जानुभएको थियो । संसारकै होचा खगेन्द्र थापा मगरको कार्यक्रममा उपस्थति हुने भएको हुंदा कार्यक्रम उत्कृष्ट हुने आयोजकहरुको बावी छ । साथै कोरियामा रहनुभएका सम्पूर्ण नेपाली दाजुभाई तथा दिदबहिनीहरुमा म्याग्देली सांस्कृतिक सौगातमा उपस्थित भईदिन म्याग्दी समाजले हार्दिक अनुरोध गरेको छ ।