कर चुहावट नियन्त्रणका लागि कार्यन्वयन पक्ष सवाल बनाउनुपर्नेमा जोड

तनहुँ, २ फागुन ।

कर चुहावट नियन्त्रणका लागि कार्यन्वयन पक्ष सवाल बनाउनुपर्नेमा आज तनहुँमा आयोजित कार्यक्रममा वक्ताहरुले जोड दिएका छन् । आन्तरिक राजस्व कार्यालय पोखराद्वारा आयोजित कर कार्यान्वयन अभियान कार्यक्रममा वक्ताहरुले सो कुरामा जोड दिएका हुन् ।

कार्यक्रममा प्रमुख जिल्ला अधिकारी लोकराज रेग्मीले मुलुकको विकासका लागि कर प्रभावकारी रहने भएकाले करदाताले कर छल्न नहुने बताउनुभयो । आन्तरिक राजस्व कार्यालय पोखराका प्रमुख कर अधिकृत कृष्णबहादुर बस्नेतले सरकारले कर नीति सरल पारदर्शी र झन्झटमुक्त बनाउन लागेको बताउँदै यस वर्षदेखि उठेको कर विकास क्षेत्रमा लगानी गर्न लागेको जानकारी दिनुभयो ।

व्यापारीले अझै पनि नक्कली बिल भौचर प्रयोग गरी राजस्व छल्ने गरेकाले त्यस्ता प्रवृत्तिको अन्त्य गर्न सवै पक्षको सहयोग आवश्यक रहेको उहाँले बताउनुभयो