खुर्पा प्रहारबाट सोमबार बिहान तनहुँमा तीन जनाको मृत्यु

खुर्पा प्रहारबाट सोमबार बिहान तनहुँमा तीन जनाको मृत्युभएको छ । एकजना गम्भीर घाइते भएका छन् । मृत्यु हुनेमा दमौली मालपोत लाइन निवासी दिलबहादुर सापकोटा, उनकी श्रीमती र व्यास-१०, देउरालीनगर निवासी टीकाराम श्रेष्ठ रहेको प्रहरीले जनाएको छ ।
घाइते हुनेमा टीकाराम श्रेष्ठकी श्रीमती पार्वती श्रेष्ठ रहेकी छन् । उनको पोखरास्थित पश्चिमाञ्चल क्षेत्रीय अस्पताल पोखरामा उपचार भइरहेको छ । व्यास-१० मालपोत लाइन निवासी २३ वर्षीय देविङ राना मगरले उनीहरुमाथि खुर्पा प्रहार गरेका हुन् । खुर्पा प्रहारबाट टाउँकोमा चोट लागेको श्रेष्ठ दम्पत्तिमध्ये श्रीमान्को उपचारको क्रममा मृत्यु भएको हो ।