लक्ष्मीनारायण सिंहलाई माओवादीको भातृसंगठन वाईसीएल कार्यकर्ताहरुले कुटपिट

बीपी कोइराला मेमोरियल क्यान्सर अस्पताल चितवनका नवनियुक्त कार्यकारी निर्देशक लक्ष्मीनारायण सिंहलाई माओवादीको भातृसंगठन वाईसीएल कार्यकर्ताहरुले कुटपिट गरेका छन् । कार्यकारी निर्देशक बन्न माओवादी पक्षबाट दवाव दिइएका पूर्व कार्यकारी निर्देशक भक्तमान श्रेष्ठको ठाँउमा सिहलाई कार्यकारी निर्देशक बनाईपछि श्रेष्ठ समर्थक वाईसीएल कार्यकर्ताहरुले कुटपिट गरेका हुन ।
उनलाई वाइसिएल कार्यकर्ताले कुटपिट गर्दा एउटा हलभित्र भागेर जोगिन सकेका थिए । अस्पताल बोर्डले भक्तमानको ठाउँमा सिंहलाई नियुक्त गरे पनि उनलाई भक्तमान समर्थकहरुले काम गर्न दिएका छैनन् । कार्यकारी निर्देशकको कार्यकक्षमा ताला लगाइएको छ । आज सिंहलाई कार्यकक्षमा प्रवेश गराउन खोज्दा सिंहमाथि हातपात भएको हो ।