भारतीय सेनामा कार्यरत नेपालीद्धारा व्यापारीमाथी कुटपीट

पंकाश सापकोटा
पर्वत १६ चैत्र
पर्वतको सदरमुकाम कुश्मामा फेन्सी व्यापार गर्दै आएका एक व्यापारीलाई भारतीय सेना वताउने तीन व्यक्तीले तुलसीराम लामिछानेलाई वुधवार साझ मरणासन्न हुने गरी कुटपीट गरेका छन् ।
लामिछानेलाई शिवालय बस्ने भारतीय सेनामा कार्यरत टेक बहादुर मल्ल, हरी मल्ल र राजीप मल्लले कुटपीट गरेको जिल्ला प्रहरी कार्यालय पर्वतले जनाएको छ । वाग्लुङ्ग पैयँुपाटा घर भई पर्वत सदुरमुकाम कुश्मामा व्यापार गर्दै आएका तुलसीराम लामिछानेलाई कुटपीट गरेका हुन् ।

उनीहरुले फोन गरी काम छ भन्दै बोलाएर गोप्य कोठामा थुनेर आफुलाई पिटेको लामिछानेले बताए । उनको टाउको, छाति र आँखामा गम्भिर चोट लागेको छ । घाईते लामिछानेको अवस्था गम्भिर भएको र उनको उपचार जिल्ला अस्पताल पर्वतमा भइरहेको छ ।

उता प्रहरी नियन्त्रणमा रहेका उनिहरुले फोन मामलाका कारण घटना घटेको प्रहरीसँग बताएका छन् ।
उता जिल्ला अस्पताल पर्वतका अनुसार लामीछानेलाई पोखरा रिफर गर्नुपर्ने बताएको छ ।