म्याग्दीको सिंगा गाविसका ८० बर्ष पार गरेका एक बृद्धले हालै विवाह गरे

म्याग्दी फागुन १७ । म्याग्दीको सिंगा गाविसका ८० बर्ष पार गरेका एक बृद्धले हालै विवाह गरेर एक्लोपनको पट्यारीलो समयलाई सुखमय बनाउने प्रयास गरेका छन् ।
सिंगा गाविस १ का खड्कबहादुर रोकाले सोही गाविसकी अमृता मगरलाई विवाह गरेका हुन् । श्रीमतीको मृत्युपछि सहयात्रीको अभाव महसूस गरिरहेका रोकाको अर्को बर्ष चौरासी पुजा गर्ने तयारी भइरहेको पारिवारिक श्रोतले बताएको छ ।

सिंगा देविन्डाँडाकी करीब ५५ बर्षिय मगरलाइ गत हप्ता रोकाले विवाह गरी घर भित्राएका हुन् । अमृताका श्रीमानको पनि मृत्यु भै सकेकाले दुवैलाइ एकार्काको सहारा हुने गरी विवाह गरेको बताईएको छ