सेना दिवसमा शैक्षिक सामाग्री वितरण

 नेपाली सेनाको २३ नम्बर बाहिनी बिरदल गण र बागलुङ उद्योग बाणिज्य सघंले महाशिवरात्री तथा सेना दिवसको अवसरमा आज सुस्तमनस्थिति बिशेष बाल कक्षाका बिद्यार्थीहरुलाई शैक्षिक सामग्री बितरण गरेको छ ।

पर्व तथा दिवसको अवसरमा बाल कक्षामा रहेका ४० सुस्तमनस्थिति बिद्यार्थीहरुलाई कापी र कलम बितरण गर्नुका साथै बागलुङका बिभिन्न कार्यालयका उच्च पदस्थ व्यक्ति र बालबालिका बिच सहभोज कार्यक्रम पनि सम्पन्न भएको थियो ।

कार्यक्रममा २३ नम्बर बाहिनीका बाहिनीपति ताजमान सिहं बस्न्यातले नेपाली सेना सदैव राष्ट्रप्रति उत्तरदायी रहने उल्लेख गर्दै आवश्यकता अनुसार सामाजिक कार्यमा पनि सहयोग गर्ने बताउनुभयो ।

कार्यक्रममा बागलुङ उद्योग बाणिज्य सघंका कार्यबाहक अध्यक्ष कर्णबहादुर हमाल सुस्तमनस्थिति कल्याण संस्थाका केन्द्रीय सह-कोषाध्यक्ष खड्कबहादुर महत लगायतले बोल्नुभएको थियो ।

कार्यक्रम सुस्तमनस्थिति बिशेष बाल कक्षा बागलुङका अध्यक्ष सुरेन्द्रप्रसाद श्रेष्ठको अध्यक्षता प्रधानाध्यापक युक्तजङ्ग राजभण्डारीको स्वागत र सविच अगम कुमार पालिखेको साचालनमा सम्पन्न भएको थियो ।