पर्वतको नाग्लिवाङमा बस दुर्घटना हुँदा ९ यात्रु घाइते

म्यागदीबाट पोखरातर्फ जांदै गरेको ना २ ख ९५७९ नम्बरको यात्रुबहाक बस बुधवार दिउँसो पर्वतको नाग्लिवाङ १ स्थित खनियाघाटमा दुर्घटना हुँदा ९ यात्रु घाइते भएका छन् ।

विपरित दिशाबाट आएको ट्याक्सीलाई साइड दिन खोज्दा बस सडकबाट १५ मिटर तल खसेको थियो । घाइते मध्ये ५ जनाको बागलुङ र ४ जनाको पवर्त जिल्ला अस्पतालमा उपचार भईरहेको छ ।

घाइते सबैको अबस्था समान्य रहेको प्रहरी निरीक्षक पुष्पकमल श्रेष्ठले जानकारी दिए ।