भट्टराइको त्याग र तपस्याबाट सबै दलले पाठ सिक्नुपर्ने-प्रचण्ड

एकीकृत नेकपा माओवादीका अध्यक्ष पुष्पकमल दाहाल 'प्रचण्ड'ले काङ्ग्रेस संस्थापक कृष्णप्रसाद भट्टराइको त्याग र तपस्याबाट सबै दलले पाठ सिक्नुपर्ने बताउनु भएको छ । भट्टराईको पार्थिव शरिरमा श्रद्धान्जली दिन आइतबार विहान दशरथ रंगशाला पुग्नु भएका अध्यक्ष प्रचण्डले सन्चारकर्मीहरुसँग कुरा गर्दै यस्तो बताउनु भएको हो ।
त्याग र निष्ठाको खडेरी परेको बेला भट्टराईले राजनीतिमा गरेको त्यागको भावनालाई आत्मसात गर्नुपर्ने प्रचण्डको भनाई थियो । उहाँले निरंकुशता विरुद्ध खेलेको भुमिकाले भट्टराई नेपाली जनताका प्रीय नेता समेत भएको बताउनुभयो ।