म्याग्दीको ताकम गाविस ९ काफलडाँडामा रहेको जगन्नाथ मन्दिरमा तोडफोड

 म्याग्दीको ताकम गाविस ९ काफलडाँडामा रहेको जगन्नाथ मन्दिरमा गएराति अज्ञात समुहले तोडफोड गरेको छ । करिव १० बजे मन्दिरमा भएको तोडफोडबाट मन्दिरमा रहेको तामाको अम्खरा २ थान बाल्टिन र पुजाआजा गर्ने सामग्रीमा क्षति पुगेको मन्दिर ब्यवस्थापन समितिका अध्यक्ष देवेन्द्र थापाले बताउनुभयो ।
घटनामा संलग्न भएकाको खोजीका लागि ताकम स्थीत प्रहरी चौकीका प्रहरी सहायक निरिक्षक कृष्ण बेलबासीको नेत्तत्वमा गएको टोलीले मन्दिरका तामाको अम्खरा २ थान बाल्टिन करिव १ सय मिटर तल फेला पारेको छ । सो घटनामा संलग्न भएकाको खोजी कार्य भइरहेको ताकम प्रहरीले जनाएको छ । मन्दिरको मुर्ति सुरक्षित रहेको स्थानिय बासिन्दाले बताएका छन् ।