ट्रकको ठक्कर बाट एक महिलाको घटनास्थलमै मृत्यु

पृथ्वी राजमार्ग अर्न्तगत तनहुँको बन्दिपुर, याम्पाफाँटमा बिहीबार बिहान ट्रकको ठक्कर बाट एक महिलाको घटनास्थलमै मृत्यु भएको छ । मृत्यु हुनेमा श्याम्घा-९ का ५० की मनुमाया पौडेल रहेको जिल्ला प्रहरी कार्यालय तनहुँले जनाएको छ। बाटो काट्दै गरेकी पौडेललाई नारायणघाटबाट पोखरातर्फ आउँदै गरेको ना ३ख ८८२ नम्बरको ट्रकले ठक्कर दिदाँ घटनास्थलमै मृत्यु भएको हो।

ट्रक र ट्रक चालक प्रहरी नियन्त्रणमा रहेका छन्। घटनाको विषयलाई लिएर स्थानीय बासिन्दाले पृथ्वी राजमार्ग अवरुद्ध पारेका छन्।