पर्वत का ३५ बर्षीय लालबहादुर नेपालीको करेन्ट लागेर मृत्यु

जनअन्दोलनको अवसर पारेर माओवादीले पोखरामा आयोजना गरेको तमुवान् राज्यस्तरीय सभामा सहभागी हुन बसको छतमा चढेका पर्वत जिल्लाको होश्राङदी गाविसका ३५ बर्षीय लालबहादुर नेपालीको करेन्ट लागेर बिहीबार मृत्यु भएको छ ।


करेन्ट लागेर अन्य ४ जना घाईते भएको प्रहरीले जनाएको छ । माओवादी कार्यकर्ताहरु बोकेर आएको ना४ख ३३१९ नम्बरको बस स्याङजाको अर्जुनचौपारी गाविसमा आउँदा करेन्ट लागेको थियो ।

करेन्ट लागेर घाइते भएका नेपालीलाई उपचारकालागि कालिका सामुदायिक अस्पताल हेलुमा पुर्‍याउने क्रममा मृत्यु भएको प्रहरीले जनाएको छ । करेन्ट लागेर होश्राङदीका उज्जवल भुसाल, टुकबहादुर थापा, सञ्जु भुसाल र रमेश नेपाली र्घाईते भएका छन । उनीहरुको हेलुमा उपचार भैरहेको र खतरामुक्त छन ।