नेपाली सेनाको पश्चिम पृतना पोखराले एक साता अघि इन्द्रबक्स गण अथुङ्गे ब्यारेक म्याग्दीमा भएको विद्धोह संलग्न सैनिकहरुलाई पक्राउ गरी कोर्ट इन्क्वारी गठन गरी छानविन शुरु गरेको छ ।
चैत १४ गते दिउसो केही सैनिक जवानले ब्यारेक कब्जामा लिई नारावाजी गर्दै कार्यकक्षमा रहेका तत्कालिन कमाण्डरहरु मेजर अरुणबहादुर सिं र पवन बाराकोटीलाई कुटपिट गरेका थिए । श्रोतका अनुसार गण प्रमुखको अनुपस्थितीमा कमाण्डर सम्हालेका मेजर अरुण सिंलाई जवानहरुको आक्रमणबाट भाग्दै गरेका बखत गेटमा ड्युटि बसेका सैनिकले ‘हतियार कक’ गरी सोझाएका थिए । ब्यारेक भित्र नारावाजी र होहल्ला शुरुभएपछि हेर्न झुम्मिएका स्थानियबासीलाई सैनिकहरुले हतियार सोझाएपछि गाउलेहरु भागेका थिए ।
श्रोतका अनुसार गंगालाल हृदयरोग केन्द्र काठमाण्डौबाट उपचार गरी फर्केका मुटुरोगी रामबहादुर चौधरीले विहान नियमित पिटी परेड र ब्यायाममा जान नसक्ने बताएका थिए । तर गणका तत्कालिन कमाण्डर मेजर अरुणले बलपर्ूवक जान भनेपछि नियमित ब्यायाममा निक्लेका चौधरी सहकर्मीसंगै दौडदै ब्यारेकबाट अन्दाजी ७ सय मिटर तल बराहपाखोको ओरालोमा बेहोस भै ढलेका थिए ।
चौधरीलाई तत्काल म्याग्दी जिल्ला अस्पताल पुर्याउदा डाक्टरले मृत्य भै सकेको घोषणा गरेपछि आक्रोसित सिपाहीहरुले ‘सिपाही मार्न पाईदैन’ भन्ने नाराबाजी गर्दै ब्यारेक कब्जामा लिएका थिए । ‘गण फेरवदलको क्रममा रहेको बज्रदल गणका अन्तीम ७० जनाको समुहले मध्यस्थता नगरेको भए, इन्द्रबक्स गणमा रक्तपात हुने अवस्था थियो’ सैनिक श्रोतले भन्यो । फेरवदल क्रममार् इन्द्रबक्स गणका सिपाहीहरु रसुवाको धुन्चेबाट ७ दिन हिंडेर हालै मात्र अथुङ्गे ब्यारेकामा आई पुगेका थिए ।
घट्नाको भोली पल्टै नेपाली सेनाको पश्चिम पृतना प्रमुख नरबहादुर कंडेल र २३ नम्बर बाहिनी बाग्लुङ्गका बाहिनीपति ताजमानसिं बस्नेतले घट्नाको अध्ययन शुरु गर्नु भएको थियो । अहिले घट्नामा संलग्न ३५ जना सैनिक जवानलाई सेनाको बाहिनी कार्यालय बाग्लुङ्गमा र तत्कालिन कमाण्डर मेजर अरुणबहादुर सिंलाई पश्चिम पृतना पोखरामा चौधरीको स्वस्थ्य स्थीती र घटना घट्नुको कारण बारे सोधपुछ भै रहेको बताईएको छ ।
नेपाली सेनाले आइतबार कोर्टअफ् इन्क्वारी गठन गरी मेजर अरुणलाई मृतक चौधरीको श्वास्थ्य अवस्थाको जानकारीका विषयमा र अन्यलाई कमाण्डर कुटपिट विषयमा छानविन शुरु गरिएको बताईएको छ ।
No comments:
Post a Comment
kushmabajar.blogspot.com